Maiatzak 11: Bokazioen Aldeko Otoitz Eguna ospatuko dugu – Aita Santuaren Misio Ekintzek antolatuta Bokazio Pastoraltzarekin   batera.

 

“SENIDEENGAN, JAUNARENTZAT”

Datorren maiatzaren 11n, Artzain Onaren Igandean, Eliza unibertsalak bat egingo du Bokazioen Aldeko Otoitz Egunean. 2025eko Jubileu Urte esanguratsu honetan, jardunaldi honek garrantzi berezia hartzen du, Misio Herrietako Bokazioen Jardunaldiarekin batera ospatzen baita, Bokazio Pastoralak eta Aita Santuaren Misio Ekintzek bultzatutako ekimena delarik.

 

 

Jubileu Urterako Esanahi Sakoneko Leloa

Aurten aukeratutako leloak, “SENIDEENGAN, JAUNARENTZAT”, oihartzun handia du Jubileuaren testuinguruan. Joan den otsailean egindako Bokazioen Biltzarrean eta Frantzisko Aita Santuak 2025erako proposatutako funtsezko galderan – “Norentzat naiz ni?” – inspiratuta, lelo honek hausnarketa sakonera gonbidatzen gaitu. Gogorarazten digu bokazio oro – dela apaizgoa, bizitza sagaratua, misioa, edota laikotasunezko bokazioa bete-betean bizitua – Jainkoaren maitasunari emandako erantzuna dela, eta bere adierazpenik benetakoena besteei eskainitako zerbitzuan aurkitzen duela. “Jaunarentzat” bizitzea eta “anai-arrebetan” bizitzea bereizezinak dira.

 

Zergatik da Hain Garrantzitsua Jardunaldi Hau?

Bokazioen Aldeko Otoitz jardunaldia eta  Misio Herrietako Bokazioen Jardunaldi hau ez da soilik egutegi liturgikoko data bat; ezinbesteko deia da kristau komunitate osoarentzat:

  1. Elizaren Sostengua: Bokazioak dira Elizaren misioa bultzatzen duen bihotza. Hitzaz eta Sakramentuez elikatuko gaituzten apaizak behar ditugu, Ebanjelioaren erradikaltasuna lekukotuko duten erlijiosoak, Berri Ona munduaren mugetaraino eramango duten misiolariak, eta mundua barrutik santutuko duten laiko konprometituak. Bokaziorik gabe, Elizak ezin du Kristoren agindua bete-betean bete.
  2. Kontzientzia eta Otoitza: Jardunaldi honek “uztaren Jabeari bere uztara langileak bidal ditzan” (Mt 9, 38) eskatzeko etengabeko beharraren kontzientzia hartzen laguntzen digu. Komunitateko eta norbanako otoitza da bokazioen sorreran eta iraupenean laguntzeko lehenengo eta oinarrizkoena den modua.
  3. Elkartasun Unibertsala: Otoitzean eta laguntzan batzen gaitu, ez bakarrik tokiko beharretarako, baita misio-lurraldeetakoetarako ere. Leku horietako askotan, bokazioak ugariak dira, baina baliabide faltak prestakuntza egokia eskaintzea zailtzen du. Gure elkartasuna, espirituala zein materiala, funtsezkoa da bokazio-hazi horiek fruitu ugari eman dezaten.
  4. Erantzukizun Partekatu: “Bokazio-kultura” sustatzea guztion zeregina da: familiena, parrokiena, ikastetxe katolikoena, mugimendu apostolikoena eta sinestun bakoitzarena. Gazteek Jainkoaren deia entzun eta eskuzabaltasunez erantzuteko aukera izango duten giroak sortzea da kontua.

 

Nola Lagun Dezakegu?

Guztiok gaude gonbidatuta jardunaldi honetan aktiboki parte hartzera:

  • Otoitza Indartuz: Gure parrokietan, komunitateetan, ikastetxeetan eta familietan denbora eskaini dezagun bereziki apaiz-, erlijioso- eta misiolari-bokazioen alde otoitz egiteko.
  • Prestakuntza Lagunduz: Ekonomiari dagokionez lagun dezakegu, adibidez, misio-herrialdeetako seminarioko ikasleentzako bekak finantzatuz Aita Santuaren Misio Egintzen bidez.
  • Gazteei Lagunduz: Adi egon gaitezen gure elizbarrutietako gazteen kezkei, laguntza eskainiz eta Jainkoak haientzat duen plana bereizten lagunduz.
  • Testigantza Emañez: Bizi dezagun gure bokazioa pozez eta leialtasunez, gure ingurukoentzat Jainkoaren maitasunaren isla izanik.

 

2025eko Bokazioen Aldeko Otoitz Jardunaldia eta Misio Herrietako Bokazioen Jardunaldi honek bultza gaitzala bokazio guztien aldeko otoitzarekin eta laguntzarekin dugun konpromisoa berritzera, Elizak itxaropenaren eta zerbitzuaren itsasargi izaten jarrai dezan, “SENIDEENGAN, JAUNARENTZAT”

(Oharra: Gogorarazten da, pastoraltzako eragileentzako barne-komunikazioetan adierazi bezala, maiatzaren 11n parrokietan ez dela diru-bilketa berezirik izango jardunaldi honetarako).

 

 

Materialak:

Vocaciones Nativas